XX. mendeko Euskararen Corpus estatistikoa

Testuingurua

BI BEHATZETAN
jostailu nuen bihurtu
ur tanta.

Zenbaitetan urdin
behin txuri
gehienetan argi,
nire behatzetan
ur tanta, bitxi.

Jarri nuen lotan
haurtxoa jar nezakeen
era berean
ohe ilunean
nire kontzientziarekin
lagun berriarekin
ur tanta delikatu
kaltegabetsu.

Harerlojuari amaitu
zitzaionean neurtzekoz zuen
denbora eta harea;
orduantxe baitzen!
nire kontzientziak zamatu
zuen ur tanta, jostailu,
bihurritu zion begiko ninia
zenbaitetan urdin
behin txuri
gehienetan argi,
bi behatzetan, bitxi, (...).